Чăвашсен пĕрремĕш киноактриси, çыравçă, драматург тата куçаруçă – Татьяна Бурашникова çурланăранпа кăçал 122 çул çитрĕ. Тани Юн хушма ятпа паллă ентеш халăх культуринче тарăн йĕр хăварнă. Вăл чăваш ятне чикĕ леш енне те илсе çитернĕ.
Чăваш культуришĕн, тăван халăхăн пуласлăхĕшĕн тăрăшнă Тани Юн актриссăн кун-çулĕ ĕмĕрлĕхех историе çырăнса юлнă. Нумай ачаллă çемьере çуралса ӳснĕскер, пĕчĕкренех хăйĕн тăван чĕлхине аталантарас тесе ĕмĕтленнĕ. Физкультура учителĕ пулма вĕреннĕскер, кинопа театр тĕнчине уçнă. Вăхăт иртсен, Тани Юн ятне пĕтĕм тĕнчипе палла пуçланă. Вăл ӳкереннĕ «Сар Пике», «Апайка», «Киремет карти» фильмсене чикĕ леш енче те кăтартнă. Паянх кун чăваш çĕрĕнче палăртнă киносене курман çын çук та пулĕ. Вăл çуралса ӳснĕ ялĕнче те Татьянăн пултарулăхне астусах тăраççĕ.
Галина Григорьева, Чăваш Республикин кинематографистсен пĕрлешĕвĕн ĕçченĕ: Тани Юн вăл пирĕн, ман ентеш. Етерне районĕнче çуралса ӳснĕ, эп те унта. Çавăнпа та питĕ мăнаçланап пирĕн çĕр çинче çавăн пек питĕ пултаруллă çын çуралса ӳснĕ, çам пек пирĕн чăваш халăха пĕтĕм тĕнче шайне кăларма пултаракан çын пулнăшăн. 00:37-01:01 Асăнатпăр ун çуралнă кунне. Чăнах та питĕ мăнаçланап. Тайма пуç. Малалла та çынсем ан манччĕр, çам пек çынсем пулнăшăн, малалла та вĕсем пире пулăшчăр, хамăрăн чăваш халăх ятне çам пек çӳле шайра çĕклесе малалла утса каймашкăн.
Кăçал Тани Юн çуралнăранпа 122 çул пулĕччĕ. Çавна май, Чăваш Республикин кинематографистсен пĕрлешĕвĕ унăн вил тăпри çине кайса килчĕ, тирпейлерĕ, чĕрĕ чечексем хучĕ.
Ольга Осипова, Тани Юн пултарулăхĕпе кăсăкланаканскер: Паянхи кун эпир Тани Юн вил тăпри çинче пĕрле пуçтарăнас терĕмĕр. Меншĕн тесен, паянхи кун унăн уявĕ, унăн çуралнă кунĕ. Пĕтĕмпех аса илес терĕмĕр. Унăн кино ĕçĕсене, мĕнле фильмсенче ӳкереннĕ вăл. Мĕнле илемлĕ веть-ха чăваш хĕрĕ пулнă вăл. Паянхи кун та чăваш халăхĕ унăн фильмсене пăхма пултарать. Ун çине пăхса савăнма пултарать. Ман шутпа ун пек çынсем çинчен манмалла мар, яланах тăтăшах килсе çӳремелле. Мĕншĕн тесен ун ĕçĕсем яланлăха пирĕн чĕрере юлаççĕ. Ун пек çынсем пирки манмалла мар.
Вил тăпри çине пухăннисем ĕлĕкхи йăлапа Тани Юна ырă сăмахпа, апат-çимĕçпе асăнчĕç. Чăваш халăхăн пĕрремĕш актрисине хисĕплени, юратни, унпа мухтанни туйăнать.
Алексей Ефремов, Чăваш Республикин кинематографистсен пĕрлешĕвĕн пайташĕ: Киноӳкерçĕсем тăтăшах ун çуралнă кунне килсе асăнаççĕ вĕсем пултарулăхĕ пирки, вĕсен ĕçĕ пирки. Мĕншĕн тесен вĕсем çак театр, кино пысăк тарăн хăварса. Тепĕр çул ĕнтĕ пирĕн питĕ пысăк сумлă çавра çул пулать. Мĕншĕн тесен пĕрремĕш вĕсен кĕркунне пуçарнă чăваш фильмне ӳкерме Атăлçи пăлхавçисем. Экран çине тухнăранпа 100 çул пулать тепĕр çул.
Олег Цыпленков, Чăваш Республикин кинематографистсен пĕрлешĕвĕн ертӳçи: Пирĕншĕн Тани Юн — Чăваш кино амăшĕ. 01:04-01:38 Таня Юн пулман пулсан чăваш кини пулаччĕ пул, анчах та, тен кая юлса, тен кайран пулмасчĕ те пуль 30-меш çулсем çитсен. Анчах та хăй вăхăтĕнче вăл мĕнле шухăшлать, мĕншен çĕр чăмăрĕ çинче ытти халăхсен кино пур, чăвашсен вара мĕншĕн çуккă кино.
Тани Юн чăвашсен кино тĕнчине çутта кăлараканĕ. Унăн ячĕ яланах халăхăн чĕринче упранĕ.
Анастасия Моисеева, Олег Цыпленков, Чăваш Ен Наци телевиденийĕ
