Улатăр тăрăхĕнчи Кивĕ Эйпеçри культура çурчĕ, Муркаш муниципаллă округĕнчи Москакассинчи ача сачĕ, Шăхасанти поликлиника, Патăрьел, Йĕпреç Комсомольски, Пăрачкав, Шăмăрша тăрăхĕсенчи ултă тухтăр амбулаторийе, Улатăрти «Республикăри судпа медицина экспертизин бюровĕн» уйрăмĕ тата ытти те.
Палăртнă объектсем Чăваш Енри адреслă инвестици программипе килĕшӳллĕн кăçал хута каймалла. Шупашкарти «Çĕнĕ хула» микрорайонта, Улатăр округĕнчи Чуварлей салинче, Вăрнар поселокĕнче кăçал çĕнĕ шкулсем çĕклеме пуçлĕç.
Юхма тăрăхĕнчи Ишлĕ ялĕнче вара çĕнĕ çул умĕн юсанă вĕренӳ учрежденине уçрĕç. Савăнăçлă лару-тăрăва Чăваш Республикин Пуçлăхĕ Олег Николаев та хутшăнчĕ.
Çĕнĕ шкулта хатĕр-хĕтĕр те çĕнĕлле, вĕсене алла илмелле. Ку енпе ĕçлеççĕ те пĕлӳ çуртĕнче. Кĕçĕн классенче пурĕ 18 вĕренекен. Парта хушшине ларман ачасен ушкăнне те кунтах йĕркеленĕ. Унта 15 ача çӳрет. Юнашарах спорт зал хута янă. Ишлĕ — Патăрьел тăрăхĕнче чи инçетре вырнаçнă ял. Вĕренӳ учрежденине Люля, Ульяновка поселокĕнчи тата Пăлапуç Нурăс ялĕнчи ачасем çӳреççĕ. Вĕсене автобуспа турттараççĕ. Ишлĕ палăртнă ялсен центрĕ темелле.
Олег Николаев: Çакăн пек шкулсене эпĕр вот щас тĕпчесе енчен те вăл хăйĕн лайăх мелсене кăтартсассăн паллах ытти муниципаллă округсенче те тума шухăша тытса тăратпăр. Мĕншĕн тесен куратпăр ĕнтĕ пысăк шкулсене тума пĕр енчен хаклă, тепĕн енчен вĕсене тĕрлĕ оборудованипе специалистсемпе тивĕçтерсе пымалла çăмăлăх мар тесе калас пулать. Çавăпна та çавăн пек пĕчĕке шкулсене туса унтан ачасене чăн малтанах çитĕниччен лайăх. Унсăр пуçне çакăн пек шкулсем пысăк шкулсем шутĕнче пулнипе ĕнтĕ унта вĕрентӳ ĕçне тата ытти пайĕн тытăмĕсене те пачах урăхпа пĕтĕмĕшле питĕ лайăх шайра йĕркелесе пыма май парать.
Тури Туçа, Çĕнĕ Ахпӳрт, Нăрваш Шăхаль тата Шăнкăртан ялĕсене пурăнакансен те пысăк савăнăç. Кунта тухтăр амбулаторийĕсем хута кайрĕç. 2030-мĕш çулччен тата тепĕр 15 сиплев çурчĕ уçма палăртаççĕ.
Патӑрьелти тӗп пульница ҫумӗнче «Республикӑри судпа медицина экспертизин бюровӗн» уйрӑмӗ ĕçлесе кайрӗ. Кунта ҫывӑхри Шӑмӑршӑпа Елчӗк тӑрӑхӗсенче пурăнакансене те тĕрлĕ пулăшупа тивĕçтерĕç. Виҫӗ муниципалитетра халӗ 57 пин ытла ҫын пурӑнать.
Олег Николаев: Уйрăмах аякри ялсенчен çак пирĕн уйрăлса кайнă çынсене çак судебно медицина экспертизин пункчĕсене çитерме самаях йывăр пулнă. Вăт эпир пĕрремĕш январьтен çакăн пек пунктсене вĕсене тӳлевсĕр çитерсе саккунпа пăхса тухнă пĕтĕм процедурисене ирттерсе кайрăн ĕнтĕ унăн тăванĕсене юлашки çула ăсатма май парасшăн ĕнтĕ. Пĕтĕм республикинче çакăн пек учрежденисем вĕсем пĕр типлă. Пĕр евĕрлĕ тунăскерсем. Пĕтĕмешле кашни яла çакăн пек пулăшу çитерме пултарĕç. Кирлĕ чухлĕ машинасене те специалистсене те хатĕрленĕ. Унсăр пуçне калас пулать. Çакăн пек пунктсенче çынсем унчченхи Пек Шупашкара каймасăрах тĕрлĕ енлĕ биоматериалсене те парса питĕ кирлĕ ДНК енĕпе питĕ кирлĕ тĕпчевсем тума пултарĕç.
Алексей Зотиков, Милена Алексеева, Николай Марков, Чăваш Ен Наци телевиденийĕ
