Инесса Алексеева — общество ĕçĕн хастарĕ тата усламçă, Чăваш Республикин халăхăн йăла ыйтăвĕсене тивĕçтерессин тава тивĕçлĕ ĕçченĕ. Вăл Канаш тăрăхĕнчи Матьшӳ ялĕнче çуралса ӳснĕ.
Хастар та пултаруллă хĕрарăм кĕнекесем те çырать. Хальхинче вăл вулакансене «Канаш тăрăхĕ. Матьшӳ ялĕ» кĕнекепе паллаштарчĕ.
Кĕнеке архив докуменчĕсен пуххинчен тăрать. Автор Матьшӳ ялĕн авалхи кун-çулне туллин уçăмлатса панă. Сăн-ӳкерчĕксем те, вырăна сăнарлакан карттăсем те кĕнекене пуянлатаççĕ. Инесса Геннадьевна кĕнекене 172 документ кӗртнĕ, вӗсенчен 80 проценчĕ пӗрремӗш хут пичетленсе тухнă.
Маргарита Лазерева, Инесса Алексеевăн аппăшĕ: Ача чухнех питĕ историне кăмăлаччĕ, вăл историпеле нумай кĕнеке вулаччĕ, çавăнпа та наверное ун шухăшĕ ял историне çӳлелле хăпартса, ял çыннисем ĕлĕк мĕнле пурăннă пирĕн аслă асаттесем, аслă асаннесем мĕнле пурăннине, мĕнле нушапа ӳснисене çав кĕнекене кăларса ял халăх патне çитерес терĕ пулмалла тесе шутлатăп. Вăл питĕ пысăк ĕç.
Чăн малтанах автор йăх-несĕлсен йывăççине тума палăртнă. Архивра Матьшӳ ялӗпе ҫыхӑннӑ чылай документ тупсан кĕнеке кăларма шутланă.
Халь пирĕн 2-мĕш кĕнеке кăлармалла кăçал плана кĕртнĕ, ĕнте вăл 21-мĕш ĕмĕр таран кăлармалла пирĕн.
Уява тăван тăрăхăн шăпипе, историпе кăсăкланакансем пухăннă. Ентешсем Инесса Алексеевăна малалла та çавăн пек çитĕнӳсем тума ăнăçу сунчĕç, кĕнекен иккĕмĕш пайне чунтан кĕтнине пĕлтерчĕç.
Татьяна Максимова, Олег Цыпленков Чăваш Ен наци телевиденийĕ
